«Ренесанс – констракшн» ба сохтмончиёни тоҷик эҳтиёҷ дорад
Душанбе, 17.10.2014. (АМИТ «Ховар», Лайло Тоирӣ). – Ширкати сохтмонии «Ренесанс – констракшн» омода аст, ки мутахассисони тоҷикро ба бунёди иншоотҳои нави шаҳри Новосибирск ҷалб намояд.
Дар ин бора директори генералии ширкати мазкур Аҳмад Таракай зимни мулоқот бо корманди Намояндагии Вазорати меҳнат ва шуғли аҳолии ҶТ дар ФР хабар дод.
Ба гуфтаи роҳбари ширкати сохтмонӣ, ҳоло қариб 300 нафар муҳоҷирони меҳнатии Тоҷикистон дар иншоотҳои сохтмонӣ фаъолият доранд. Ҳамаи онҳо мутобиқи талабҳои қонунгузории федералӣ кор карда, бо шароити хуби меҳнату маишат таъминанд.
Корманди намояндагӣ ҳамчунин зимни вохӯриаш бо сохтмончиёни тоҷик аз навигариҳои қонунгузории Русия дар бахши муҳоҷират, ки дар оғози соли нав ба мавқеи иҷро мерасанд, хабар дод. Муҳоҷирони меҳнатии тоҷик дар ҷараёни суҳбат зикр намуданд, ки аз шароити кор розианд ва дар боби пардохти маошашон ягон душворӣ надоранд.
Дар ин бора аз маркази матбуоти Намояндагии Хадамоти муҳоҷирати ҶТ дар ФР ба АМИТ «Ховар» хабар доданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
