Робитаҳои Душанбею Маскав тақвият меёбанд
Душанбе, 23.10.2014.(АМИТ «Ховар», Марзия Саидзода).- Густариши равобити мутақобилан судманди байнишаҳрии Душанбе ва Маскав дар ҷараёни мулоқоти Маҳмадсаид Убайдуллоев -раиси Маҷлиси миллӣ, раиси шаҳри Душанбе бо мири шаҳри Маскав Сергей Собянин дар пойтахти Русия матраҳ гардид.
Дар мулоқот ҷонибҳо аз зарурати ҳамкориҳо дар бахшҳои ҳимояи ҳуқуқ ва фароҳам овардани шароитҳои мусоид барои муҳоҷирони меҳнатӣ, ташкили марказҳои муосири логистикӣ ва ҷойҳои нави корӣ, густариши робитаҳои бевоситаи тиҷоративу иқтисодӣ, фарҳангӣ ва гуманитарии байниминтақавӣ махсус таъкид намуда, омодагии хешро изҳор доштанд.
Бо дахли масоили робитаҳои байнишаҳрӣ миёни Душанбе ва Маскав зикр гардид, ки муносибатҳои ҳасана ба тақвият ниёз дошта, зарур аст, ки иқтидори ҷонибҳо дар ин самт ба таври васеъ истифода шавад. Дар иртибот қарор шуд, ки дар доираи Созишнома оид ба ҳамкориҳои иқтисодию тиҷоратӣ, гуманитарию фарҳангӣ миёни шаҳрҳои Душанбе ва Маскав нақшаи фаъолияти тарафҳо барои солҳои 2015- 2018 бо инобати тамоми зарфиятҳое, ки ба нафъи ҷонибҳо то имрӯз истифода нашудаанд, таҳия ва амалӣ гардонида шавад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
