Рушди ҳамкорӣ дар бахши маориф

Минск, 08.10.2014. (АМИТ «Ховар»). – Чанде  пеш  дар  шаҳри  Душанбе мулоқоти  намояндагони вазоратҳои  маориф ва  роҳбарони донишкадаҳои  олии  ду  кишвари  иштироккунандаи Анҷумани Ш  муаллимон ва   кормандони соҳаи  маорифи ИДМ, ки дар  шаҳри  Минск  баргузор  шуда буд,  доир  гардид. 
Тавре  ки сафорати  Тоҷикистон  дар  Беларус  хабар  медиҳад,  сафири  Тоҷикистон  дар  Беларус  Қозидавлат  Қоимдодов  зимни  суханрониаш  дар  ҳузури  иштирокдорони  мулоқот зикр  намуд, ки аҷдодони тоҷикон ҳамеша барои пайдо  намудани илму  дониш саъю  кӯшиш мекарданд. Ин  анъана  имрӯз  ҳам идома дорад. Ба  гуфтаи  мавсуф,  солҳои  охир теъдоди донишҷӯёни тоҷик  дар  донишкадаҳои олии  Беларус бемайлон   зиёд  мешавад. «Дар  ин  маврид саъю  кӯшишҳои  Президенти  Тоҷикистон  Эмомалӣ  Раҳмон  ва  Президенти Беларус  Александр  Лукашенко, ки   ба   ҳамкории ҳар  ду  кишвар  дар  соҳаи  маориф таваҷҷуҳи  хоса  зоҳир  менамоянд, шоёни таҳсинанд», — гуфт сафир.
Мувофиқи  суханони  дипломати тоҷик, қариб 300  нафар  донишҷӯёни тоҷик  дар  17 донишкадаи  олии  Беларус  таҳсил  мекунанд.
Муовини  аввали  вазири  маорифи Ҷумҳурии  Тоҷикистон  Р.Мирбобоев изҳор  дошт, ки  Ҷумҳурии  Тоҷикистон ба қабули донишҷӯёни  Беларус  барои таҳсил  дар донишкадаҳои олии Тоҷикистон  аз  рӯи  ихтисоси  шарқшиносӣ  омодааст.