Тирпарронӣ миёни Ҳиндустону Покистон
Душанбе,21.10.2014. (АМИТ «Ховар», Иброҳими Ҳабибуллоҳ).- Дирӯз дар натиҷаи задухӯрд миёни низомиёни Ҳиндустон ва Покистон дар минтақаи баҳсбарангези Кашмир 2 кас ҷароҳат бардошт. Мувофиқи иттилои расида, захмиён низомиёни покистонӣ мебошанд. Даргирӣ дар навоҳии Камолкут Урӣ сурат гирифта, гуфта мешавад тирпарронӣ сараввал аз сӯи низомиёни Покистон шурӯъ шудааст. Душанбе,21.10.2014. (АМИТ «Ховар»).-Ҳукумати Туркия ба артиши кишвараш иҷозат дод, ки дар қаламрави Ироқу Сурия амалиёти ҳарбиро пиёда кунад. Бояд гуфт, ки оид ба ин масъала қариб ҳамаи аҳзоби Туркия аз қарори порлумон пуштибонӣ карданд.Ҷоизи зикр аст, ки гурӯҳи тундрави “Давлати исломӣ” қисми низомии артиши Ироқро дар вилояти Анбор забт ва танку зиреҳпӯшҳои онро аз худ карда ва наздик ба пойтахти кишвари Ироқ шудаанд. Дар Сурия ҷангиён ба хатти муҳофизати курдҳо рахна зада, тадриҷан ба дарунтари шаҳраки Кубонӣ, воқеъ дар марзи Туркия ворид мешаванд. Душанбе,21.10.2014. (АМИТ «Ховар»).-Субҳи имрӯз дар шаҳри Ченҷови Ҷумҳурии Мардумии Чин ҷашнвораи анъанавии муҳорибаҳои тан ба тан оғоз гардид. Гуфта мешавад, ки барои тамошои ин мусобиқаи мароқовар ҳазорҳо нафар сокинони мамлакат ва сайёҳони хориҷӣ ташриф овардаанд. Душанбе,21.10.2014. (АМИТ «Ховар»).-Дар минтақаи наздисоҳилии шаҳри Пертаи Австралия наҳанги обӣ ба як сокини ин минтақа ҳамла намуда, ӯро ба қатл расонид. Ҳукуматдорон барои пешгирии аҳолӣ тадбирҳои оҷилӣ меандешанд. Тибқи иттилои расида ин бори дуюм аст, ки наҳанг ба инсон дар ин минтақа ҳамла менамояд.Душанбе,21.10.2014. (АМИТ «Ховар»).-Бегоҳии дирӯз ҳукумати ИМА бо қароре ба давлаташ ворид шудани 6 мансабдори Маҷористонро манъ кард. Тибқи қонунгузории нави кишвар Амрико ном ва насаби шахсони таҳти таҳрим қарор доштаро пинҳон медорад. Душанбе,21.10.2014. (АМИТ «Ховар»).-Мувофиқи иттилои Би-Би-Си дар қисми шимолии Бангладеш садамаи нақлиётии ду автобус ба амал омада, дар он 20 нафар ба ҳалокат расида, 30 тани дигар ҷароҳати гуногун бардошт. Ҳодиса дар минтақаи Натор, 220 километр дуртар аз пойтахти кишвар- шаҳри Дакка ба амал омадааст.
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
