Вохӯриҳои роҳбари ВКД ҶТ дар Федератсияи Русия
Душанбе, 24.10.2014. (АМИТ «Ховар»). — Вазири корҳои дохилии Тоҷикистон Раҳимзода Рамазон Ҳамро дар ҳошияи сафараш ба шаҳри Маскав бо донишҷӯёни тоҷик, ки дар Донишгоҳи ВКД Русия воқеъ дар шаҳри Маскав таҳсил доранд, вохӯрд.
Тавре ки ВКД ҶТ хабар медиҳад, Рамазон Раҳимзода донишҷӯёнро даъват намуд, ки барои ба даст овардани илму дониш саъю кӯшиш карда, ба ҳайси мутахассисони лаёқатманд ба Ватан баргарданд. Вазири корҳои дохилӣ зимни ҷавобҳояш ба саволҳои донишҷӯён итминон дод, ки барои ҳалли проблемаҳои рӯзмарраи онҳо чораҳои зарурӣ дида мешаванд.
Вазир ҳамчунин дар маросими мизи мудаввар дар мавзӯи «Раванди танзими мақоми ҳуқуқии муҳоҷирони меҳнатии байни Русия ва Тоҷикистон», ки дар ҳошияи форуми чоруми байнипарлумонӣ дар толори Донишгоҳи ба номи Ломоносови шаҳри Маскав баргузор гардид, иштирок намуд.
Ғайр аз ин Рамазон Раҳимзода ба ҳайси узви ҳайати Ҳукумати кишвар дар маросими вохӯрии раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев бо муовини аввали Ҳукумати Федератсияи Русия Игор Шувалов ширкат намуда, нуқтаи назарашро аз рӯи масоили ҳамкорӣ дар муборизаи зидди ҷинояткорӣ иброз дошт.
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
