Ҳалокати донишҷӯдухтар дар садамаи нақлиётӣ
Душанбе, 13.11.2014. АМИТ «Ховар», Муқаддас Темурзода).-Дирӯз ронандаи мошини тамғаи “Dulan” Собирҷон Шукуров, соли таваллудаш 1974, сокини шаҳри Сарбанд ҳангоми ҳаракат бо кӯчаи Ҷомии пойтахт бехатарии ҳаракат дар роҳро таъмин карда натавониста, ба мошини тамғаи “ВАЗ-2121”, ки ба шаҳрванд Саидғуфрон Калонов, соли таваллудаш 1976, сокини ноҳияи Ҳисор тааллуқ дорад, бархӯрдааст. Дар навбати худ мошини “ВАЗ-2121” пиёдагард Файзигул Каримова, соли таваллудаш 1995, сокини ноҳияи Восеъ, донишҷӯи яке аз донишгоҳҳои олии кишварро пахш намудааст.
Дар натиҷа пиёдагард ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Дар ин бора ба хабарнигори АМИТ «Ховар» аз ВКД ЧТ хабар доданд.