Беҳсозии ҷарроҳии ҷигар ва ғадуди зери меъда дар ПГ
Душанбе, 13.11.2014 (АМИТ «Ховар», Некрӯзи Муҳаммадсодмқ).- Дирӯз дар Пажуҳишгоҳи гастроэнтерологӣ (ПГ)-и Ҷумҳурии Тоҷикистон маросими муваффақона анҷом ёфтани «Лоиҳаи беҳтар гардонидани шуъбаи ҷарроҳии ҷигар ва ғадуди зери меъда дар Пажуҳишгоҳи гастроэнтерологии Чумҳурии Тоҷикистон » ифтитоҳ гардид. Дар он Кентаро Соноура, муовини вазири парламентии корҳои хориҷии Ҳукумати Ҷопон, Насимҷон Олимов, муовини вазири тандурустӣ ва ҳифзи иҷтимоии Чумҳурии Тоҷикистон ва Саодат Азимова, директори Пажуҳишгоҳи гастроэнтерологии Ҷумҳурии Тоҷикистон, ҳамчунин дигар кормандони беморхона ширкат варзиданд. Лоиҳаи мазкур ба маблағи умумии 111,283 доллари ИМА дар чаҳорчӯбаи «Барномаи Ҷопон оид ба кумакҳои бебозгашти лоиҳаҳои амнияти башарӣ барои бахши аъзами аҳолӣ» маблағгузорӣ гардид.