Маросими супоридани эътимодномаҳои сафирони давлатҳои хориҷӣ

 Душанбе, 18.11.2014 (АМИТ «Ховар»).- 17 ноябри 2014 маросими супоридани нусхаҳои эътимодномаҳои сафирони навтаъйини чордаҳ давлати хориҷӣ ба вазири корҳои хориҷии Ҷумҳурии Тоҷикистон Сироҷидин Аслов баргузор гардид.
Нусхаҳои эътимодномаҳои худро сафирони фавқулода ва мухтори Ҷумҳурии Исломии Эрон Ҳуҷҷатулло Фағонӣ, Малайзия Дато Норъайнӣ, Канада Шон Стайл, Ҷумҳурии Ирландия Оун ОЛири, Шоҳигарии Нидерланд Дриссер Генри Юберро, Ҷумҳурии Португалия Марио Годино де-Матуш, Ҷумҳурии Эстония Яан Рейнхолд, Ҷумҳурии Молдова Андрей Галбур, Ҷумҳурии Боливарии Венесуэла Аменутип Замрану, Мексика Улиси Канчули, Шоҳигарии Дания Томас Винклер, Ҷумҳурии Словения Приможа Шелиго, Ҷумҳурии Гана Алҳоҷӣ Баваҳ Гилберт, Босния ва Гертсоговина Эдиб Буквич супориданд.
Пас аз маросим мулоқотҳои дуҷонибаи Сироҷидин Аслов бо сафирони навтаъйин доир гардид, ки зимни он ҳолати кунунӣ ва дурнамои рушди муносибатҳои Ҷумҳурии Тоҷикистон бо он кишварҳо мавриди баррасӣ қарор гирифт.
С. Аслов сафиронро бинобар ба ин вазифа таъйин шуданашон табрик намуда, ба онҳо ҷиҳати амалигардонии фаъолияти касбиашон комёбиҳо таманно намуд.