Муҳокимаи сиёсати кишвар дар амри муборизаи зидди маводи мухаддир
Душанбе, 21.11.2014. (АМИТ «Ховар», Муқаддас Темурзода ).- Чанде пеш директори Агентии назорати маводи нашъаовари назди Президенти ҶТ Рустам Назарзода дар шаҳри Душанбе якчанд мулоқот анҷом дода, аз ҷумла сафири Мексика дар Тоҷикистон Улиси Канчулиро ба ҳузур пазируфт.
Директори агентӣ перомуни ҳамкорӣ бо мақомоти салоҳиятдори ҳифзи ҳуқуқ дар мубориза бо гардиши ғайриқонунии маводи мухаддир, вазъи маводи мухаддир дар ҷумҳурӣ ва сиёсати кишвар дар амри мубориза бо маводи нашъаовар нақл кард.
Мақсад аз мулоқот муҳокимаи масоили марбут ба дурнамои ҳамкорӣ дар мубориза бо гардиши ғайриқонунии маводи мухад-дир байни Тоҷикистон ва Мексика буд.
Худи ҳамон рӯз Рустам Назарзода бо афсари бахши муборизаи зидди маводи мухаддири сафорати Итолиё дар Тоҷикистон Федерико Куатрини ва ҳамоҳангсозии минтақавии кишварҳои Осиёи Марказии Агентии миллии муборизаи зидди ҷинояткории Британияи Кабир ва Ирландияи Шимолӣ Фредерик Ҳеллон мулоқот анҷом дод.
Дар ҷараёни мулоқот масоили афзун намудани самараи ҳамкории дуҷониба дар мубориза бо гардиши ғайриқонунии маводи мухаддир мавриди муҳокима қарор гирифт.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
