Муҳокимаи татбиқи лоиҳаҳои сармоягузорӣ
Душанбе, 26.11.2014. (АМИТ «Ховар», Покизаи Шодмон).- 25 ноябр муовини аввали вазири рушди иқтисод ва савдои ҶТ Неъматҷон Бӯриев ва мутахассиси раёсати Осиёи Марказӣ ва Шарқии Бонки рушди Осиё Приянка Суд имконияти татбиқи якчанд лоиҳаи сармоягузорӣ, аз ҷумла лоиҳаҳои оид ба минтақаҳои озоди иқтисодиро мавриди муҳокима қарор доданд.Назар ба хабари Вазорати рушди иқтисод ва савдои кишвар, ҷонибҳо аз вазъи ҳамкории мутақобилан муфиди байни Тоҷикистон ва Бонки рушди Осиё изҳори қаноатмандӣ карда, перомуни фаъолияти Маркази татбиқи лоиҳаҳои мушорикати давлатҳо ва бахши инфиродӣ, роҳҳои ҳамкории зичтари маркази мазкур бо вазоратҳои соҳавӣ табодули афкор намуданд.