Мубориза алайҳи меҳнати кӯдакон
Душанбе, 26.11.2014. (АМИТ «Ховар», Лайло Тоирӣ).- «Маркази таълими калонсолони Тоҷикистон» доир ба низоми санҷиши меҳнати кӯдакон дар Ҷумҳурии Тоҷикистон мизи мудаввар баргузор кард. Бино ба иттилои бахши иттилоотии Агентии меҳнат ва шуғли аҳолӣ, дар кори он намояндагони Вазорати меҳнат, муҳоҷират ва шуғли аҳолии Ҷумҳурии Тоҷикистон, гурӯҳи дастгирии техникӣ оид ба масоили меҳнати арзанда ва Дафтари Созмони Байналмилалии Меҳнат (СБМ) барои кишварҳои Аврупои Шарқӣ ва Осиёи Марказӣ, Барномаи байналмилалӣ оид ба барҳам додани меҳнати кӯдакон (ББМК) иштирок намуданд.Зикр гардид, ки барномаи мазкур дар ҳамкорӣ бо Вазорати меҳнат, муҳоҷират ва шуғли аҳолии Ҷумҳурии Тоҷикистон аз соли 2005 инҷониб дар Тоҷикистон амалӣ шуда истодааст ва дар ин ҷода Тоҷикистон миёни кишварҳои минтақа пешсаф мебошад.Натиҷаи муҳим дар давраи татбиқи барнома ба тасвиб расидани қарори Ҳукумати Ҷумҳурии Тоҷикистон аз 1 октябри соли 2014 «Дар бораи Барномаи миллӣ оид ба барҳамдиҳии шаклҳои бадтарини меҳнати кӯдакон дар Ҷумҳурии Тоҷикистон барои солҳои 2015-2020» маҳсуб мешавад.Ин тадбир имконият фароҳам меорад, ки дар Тоҷикистон тадриҷан мушкилоти барҳам додани шаклҳои бадтарини меҳнати кӯдакон ҳалл гарданд.