Мулоқоти сафири Тоҷикистон бо губернатори вилояти Свердловск
Душанбе, 28.11.2014. (АМИТ «Ховар», Марҳабои Азамат ).- Чанде пеш сафири Тоҷикистон дар ФР Имомуддин Сатторов бо губернатори вилояти Свердловски Федератсияи Русия Евгений Куйвашев мулоқот анҷом дод.
Зимни мулоқот масоили рушду таҳкими ҳамкории минтақавии Тоҷикистон ва вилояти Свердловск дар бахшҳои мухталиф, аз ҷумла дар соҳаи муносибатҳои тиҷоратию иқтисодӣ ва танзими равандҳои муҳоҷирати меҳнатӣ мавриди муҳокима қарор гирифтанд.
Дар ин бора намояндаи расмии сафорати Тоҷикистон дар Федератсияи Русия Муҳаммад Эгамзод ба АМИТ «Ховар» хабар дод.
Назар ба иттилои манбаъ, губернатори вилояти Свердловск сафири Тоҷикистонро хайрамақдам гуфта, фаъолияти судманди намояндагии дипломатӣ, аз ҷумла фаъолияти Консулгарии генералӣ дар бахши кор бо муҳоҷирони меҳнатиро ба таври махсус қайд намуд.
Сафири Тоҷикистон дар навбати худ аз рушди имрӯзаи Тоҷикистон ва сиёсати дохилию хориҷии он нақл карда, гуфт, ки дастовардҳои сатҳи имрӯзаи ҳамкории дуҷонибаи Тоҷикистону Русия самараи ҳамкории стратегӣ ва муносибатҳои дуҷонибаи кишварҳоямон мебошанд, ки он боиси натиҷаҳои судманд дар бахши ҳамкории сиёсию иқтисодӣ мегардад.
Дар анҷоми мулоқот Евгений Куйвашев коршиносони Тоҷикистонро даъват намуд, ки дар ҳамоиши байналмилалии «Оби соф — 2015» иштирок намоянд. Ин чорабинӣ моҳи март дар шаҳри Екатеринбург роҳандозӣ шуда, дар он намояндагони Русия, Беларус, Қазоқистон, Қирғизистон ва Арманистон иштирок мекунанд.
Сафири ҶТ дар ФР Имомуддин Сатторов дар ҷараёни сафараш ҳамчунин бо роҳбари маъмурияти шаҳри Екатеринбург Александр Якоб ва раиси шаҳр Евгений Ройзман мулоқот анҷом дод.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
