ПСС ҶТ: Дар минтақаҳо низ намоишгоҳҳо гузаронида шаванд
Душанбе, 10.11.2014. (АМИТ «Ховар», Манижа Баҳромзода).-Ба иттилои Шариф Саид-раиси Палатаи савдо ва саноати Ҷумҳурии Тоҷикистон дар назар аст дар ояндаи наздик намоишгоҳҳои Ҷумҳурии исломии Эрон дар минтақаҳои кишвар низ ташкил шаванд. Тавре ки мавсуф 7 ноябр зимни нишасти хабарӣ бахшида ба оғози Намоишгоҳи саноатии Ҷумҳурии Исломии Эрон дар Тоҷикистон зикр кард, бояд баъзе намоишгоҳҳои эронӣ на танҳо дар пойтахти кишвар-шаҳри Душанбе, балки дар шаҳрҳои Хуҷанд, Қурғонтеппа ва Хоруғ низ гузаронида шаванд.
Зарурати ташкил намудани ин гуна намоишгоҳҳоро дар минтақаҳои кишвар Шариф Саид дар таъмини аҳолии минтақа бо таҷҳизот ва лавозимоти махсус баҳри коркарди ашёи хоми ватанӣ ном бурд, зеро феълан ашёи хом бештар дар навоҳӣ ва деҳоти кишвар дида шуда, ҳамзамон бо коркард гаштани онҳо тавассути таҷҳизоту лавозимоти махсус иқтисоди кишвар низ пеш хоҳад рафт.
Ёдовар мешавем, ки намоишгоҳи саноатии Ҷумҳурии Исломии Эрон дар Тоҷикистон аз 12 то 15-уми ноябр соли равон дар «Кохи Борбад»-и шахри Душанбе идома ёфта, дар он беш аз 80 ширкати эронӣ иштирок мекунад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
