Роботҳо барои безараргардонии маводи тарканда
Душанбе, 28.11.2014. (АМИТ «Ховар», Мавҷуда Анварӣ).-Имрӯз масъулини Сафорати ИМА дар Тоҷикистон ба Дастаи таъйиноти махсуси милитсияи ВКД роботҳо барои безараргардонии маводи таркандаро супориданд.
Тавре ки Х. Солеҳов- корманди ин ниҳод ба АМИТ «Ховар» хабар дод, роботҳои мазкур бо дастгоҳи махсус идора шуда, вазифаи дарёфт, муайян ва безарар кардани маводи тарканда ва худсохтро иҷро менамоянд. Ҳамчунин он барои бехатарӣ ва амнияти кормандон зимни гузаронидани амалиёти махсус равона шудааст.
Муовини вазири корҳои дохилӣ Икром Умарзода зимни суханрониаш зикр намуд, ки аз ҷониби Сафорати ИМА дар Тоҷикистон барномаҳои зиёд, аз ҷумла ҳамкориҳои мақомоти милитсия бо ҷомеаи шаҳрвандӣ, баланд бардоштани ҳуқуқи зан, такмили ихтисоси кормандони мақомоти корҳои дохилӣ роҳандозӣ шуда, густариш меёбанд.
Муовини Сафири ИМА дар Тоҷикистон Роберт Бёрҷес низ дар навбати худ аз густариши ҳамкориҳои дуҷониба изҳори қаноатмандӣ намуда, иброз дошт, ки роботҳои безараргардонии маводҳои тарканда дар асоси Барномаи мусоидат дар мубориза бо терроризм роҳандозӣ шуда, барои кормандони ин ниҳоди таъиноти махсус кумак хоҳад кард.
Дар идомаи чорабинӣ аз ҷониби мутахассисони Дастаи таъиноти махсуси милитсияи ВКД тарзи кор бо робот ва истифодаи он мавриди безараргардонии маводи тарканда ба ҳозирин намоиш дода шуд.
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
