Таҷлили Рӯзи парчам дар ДМИТ
Душанбе, 24.11.2014. (АМИТ «Ховар», Раъно Нусратуллозода).-Ба истиқболи ҷашни Парчами миллӣ 21 ноябр дар Донишкадаи молия ва иқтисоди Тоҷикистон (ДМИТ) чорабинии мутантан доир шуд, ки дар он раиси Кумитаи забон ва истилоҳоти назди Ҳукумати Ҷумҳурии Тоҷикистон Гавҳар Шарофзода сухан гуфт.
Ба гуфти котиби матбуоти донишкада Машҳура Абдуллоева, ректори донишкада Ашурбой Солиев ҳозиринро бо Рӯзи парчам муборакбод намуда, аз ҷумла зикр намуд ки дар ҷаҳони муосир ҳар як давлати мустақилу соҳибихтиёр тавассути парчами он муаррифӣ мегардад. Аз ин рӯ, эҳтиром ва арҷгузорӣ ба арзишҳои деринаи таърихӣ ва фарҳангиву маънавии миллӣ ва гузашта — эҳтироми миллат ва давлату давлатдорӣ мебошад, илова намуд мавсуф.
Раиси Кумитаи забон ва истилоҳоти назди Ҳукумати Ҷумҳурии Тоҷикистон Гавҳар Шарофзода ҳамагонро ба худшиносию хештаншиносӣ ва эҳтироми муқаддасоти миллӣ даъват намуда, афзуд, ки парчам аз замонҳои қадим яке аз рамзҳои асосии давлатдории тоҷикон ба шумор меравад. Тавре ки аз саҳифаҳои таърихи ғановатманди халқамон бармеояд, яке аз парчамдорони нахустини халқи мо — Коваи оҳангар будааст. Мояи ифтихори мост, ки имрӯз миллати моро аз тариқи муқаддасоти миллӣ, аз ҷумла парчами миллӣ мешиносанд.
Сипас омӯзгори кафедраи фанҳои гуманитарии донишкада Гулчеҳра Ниёзова «Аз таърихи парчамдории тоҷикон», мудири бахши таъминоти ҳуқуқӣ Зуҳуриддин Асрорзода дар мавзӯи «Ҷабҳаҳои ҳуқуқии парчами давлатӣ ҳамчун рамзи миллӣ»маърӯза карданд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
