Терминали нави мусофирон ба кор шурӯъ кард
Душанбе, 4 ноябр. (АМИТ «Ховар», Кристина Эрлих ).- 3 ноябр дар Фурудгоҳи байналмилалии шаҳри Душанбе ба муносибати оғози фаъолияти терминали нави мусофирон нишасти матбуотӣ баргузор гардид, ки дар кори он роҳбарияти фурудгоҳ, ҳамчунин намояндагони васоити ахбори оммаи дохилию хориҷӣ ширкат доштанд.
Ёдовар мешавем, ки терминали нави мусофирони Фурудгоҳи байналмилалии шаҳри Душанбе, ки барои бунёди он қариб 40 миллион евро сарф шудааст, 3 сентябри соли равон бо иштироки Президенти Тоҷикистон Эмомалӣ Раҳмон мавриди истифода қарор гирифта буд.
Терминалро ширкати «Винси» — и Фаронса дар давоми 20 моҳ бунёд намуд. Арзиши ин иншоот 39 миллион евроро ташкил медиҳад, ки 20 миллиони он саҳми ҳукумати Тоҷикистон ва 20 миллион евро қарзи имтиёзноки ҳукумати Фаронса мебошад. Масоҳати умумии терминал 11 ҳазор метри мураббаъро ташкил медиҳад.
Созишномаи байни ҳукуматҳои Тоҷикистон ва Фаронса дар бораи эъмори терминали фурудгоҳи Душанбе моҳи апрели соли 2009 ба имзо расида буд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
