Ҳолати мелиоративии заминҳо дар Кӯлоб
Кӯлоб, 23.12.2014. (АМИТ «Ховар», Сулаймони Хол).- Масъулини иттиҳодияи беҳдошти замин ва обёрӣ дар минтақаи Кӯлоб барои бо об таъмин намудани 62 ҳазору 351 гектар замини кишоварзии хоҷагиҳо шартнома дошта, хоҷагиҳои деҳқониро сари вақт бо оби полезӣ таъмин менамоянд. Ба гуфти сардори иттиҳодия Амирхон Маҳсиддинов ҳоло барои дар ҳолати хуби мелиоративӣ нигоҳ доштани заминҳои кишоварзӣ 22 адад механизм ба ноҳияҳои Фархор, Ҳамадонӣ, Восеъ ва Кӯлоб сафарбар шудааст, ки ба тоза кардани заҳбуру заҳкашҳо машғул аст. Манбаъ афзуд дар минтақаи Кӯлоб корҳои мустаҳкам кардани соҳилҳо низ идома дошта, аз ҷониби ҶДММ «Рамз» ва ҶДММ «Назрӣ» ҷамоати деҳоти Зиракӣ ва сойи Тебалайи ноҳияи Муъминобод то соли нави мелодӣ пурра мустаҳкам мешаванд.