Машварати коршиносони Русия ва Тоҷикистон
Душанбе, 02.12.2014. (АМИТ «Ховар», Лайло Тоирӣ).- Охири ҳафтаи гузашта дар шаҳри Маскав машварати коршиносони Русия ва Тоҷикистон барои муҳоқимаи лоиҳаҳои созишномаҳои бахши муҳоҷират баргузор гардид. Тавре ки котиби матбуоти намояндагии Хадамоти муҳоҷирати ҶТ дар ФР Иброҳим Аҳмадов хабар дод, дар машварат намояндагони мақомоти манфиатдори Русия ва Тоҷикистон ширкат доштанд.Дар ҷараёни машварат масоили марбут ба лоиҳаҳои созишномаҳои байни ҳукуматҳои Тоҷикистону Русия дар бораи интихоби муташаккилонаи шаҳрвандони Тоҷикистон барои иҷрои кор дар Федератсияи Русия мавриди муҳокима қарор гирифтанд.Дар нимаи аввали соли 2015 аз рӯи лоиҳаҳои зикршуда машваратҳои иловагӣ доир мешаванд.