Мулоқоти Н. Маҳмадуллоев бо О. Артамонов
Душанбе,4.12.2014. (АМИТ «Ховар», Лайло Тоирӣ). — Машварати коршиносони Русияву Тоҷикистон дар шаҳри Маскав доир гардид, ки дар он масъалаҳои таҳияи лоиҳаҳои созишномаҳои муштарак дар соҳаи муҳоҷират баррасӣ шуданд.Бино ба иттилои хадамоти матбуоти Намояндагии ХМ ҶТ дар ФР, дар кори машварат намояндагони вазорату идораҳои дахлдори ҷониби Тоҷикистону Русия иштирок доштанд.Ҳангоми баррасӣ ҷониби Тоҷикистонро муовини вазири меҳнат, муҳоҷират ва шуғли аҳолии Ҷумҳурии Тоҷикистон Нурулло Маҳмадуллоев ва ҷониби Русияро сардори Раёсати робитаҳои хориҷии Хадамоти Федералии муҳоҷирати Русия Олег Артамонов роҳбарӣ намуд.Дар ҷараёни машварат масъалаҳои вобаста ба лоиҳаҳои созишномаҳо байни Ҳукумати Федератсияи Русия ва Ҳукумати Ҷумҳурии Тоҷикистон дар бораи ҷалби муташаккилонаи шаҳрвандони ҶТ барои фаъолияти меҳнатӣ дар қаламрави ФР, дар бораи реадмиссия ва Протоколи татбиқи он ва ҳамкориҳои дуҷониба дар соҳаи муҳоҷират баррасӣ гардиданд. Дар натиҷаи вохӯрӣ ҳуҷҷатҳои мазкур аз ҷониби тарафҳо такмил дода шуданд.Машварати минбаъда оид ба лоиҳаҳои ин созишномаҳо дар нимсолаи аввали соли 2015 баргузор мегардад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
