Шиносоии Р. Раҳимзода бо шароити кормандони милитсияи Бадахшон

 
Душанбе, 03.12.2014. (АМИТ «Ховар», Муқаддас Темурзода).- Вазири корҳои дохилӣ Рамазон Раҳимзода зимни сафари кориаш дар Вилояти Мухтори Кӯҳистони Бадахшон аз шуъбаҳои Вазорати корҳои дохилӣ дар ноҳияҳои Дарвоз, Ванҷ, Рӯшон ва Шуғнон боздид ба амал оварда, бо ҳайати шахсии он вохӯрӣ доир намуд.
ВКД ҶТ иттилоъ медиҳад, ки вазири корҳои дохилӣ бо натиҷаҳои фаъолият ва шароити хизматии кормандон аз наздик шинос гардида, таъкид кард, ки ҳар як корманди милитсия уҳдадор аст дар назди давлату Ватан хизмати пурмасъулияти ба зиммдоштаашро софдилона ва содиқона иҷро намуда, дар таъмини амнияти шаҳрвандон, ҳифзи тартиботи ҷамъиятӣ ва мубориза бо ҷинояткорӣ саҳмгузор бошанд.
Зимни сафар вазири корҳои дохилӣ Р. Раҳимзода дар якҷоягӣ бо раиси Вилояти Мухтори Кӯҳистони Бадахшон Шодихони Ҷамшед аз ҷараёни сохтмони бинои навишуӯъбаи Вазорати корҳои дохилӣ дар шаҳри Хоруғ дидан намуд.
Сохтмони бинои мазкур бо тарҳи замонавӣ дар назар дошта шуда, дар муҳлатҳои наздиктарин мавриди истифода қарор хоҳад гирифт. Қобили зикр аст, ки роҳбарияти давлат ва Ҳукумати ҷумҳурӣ барои рушду инкишоф, корҳои ободонӣ ва беҳтар намудани шароитҳои кории кормандони мақомоти корҳои дохилӣ таваҷҷуҳи хосса зоҳир намуда, вақтҳои охир даҳҳо иншооти нав бунёд гардида, бо воситаҳои техникаи муосир ва дигар лавозимоти зарурӣ таҷҳизонида шудаанд.