Ташрифи Иброҳимӣ ба Маҷмааи ваҳдати миллии Тоҷикистон

 Душанбе, 4.12.2014.(АМИТ «Ховар», Марзия Саидзода).-Дар нимаи дуюми 4 декабр  Абдул Рауф Иброҳимӣ-раиси Вулуси ҷиргаи Шӯрои миллии Ҷумҳурии Исломии Афғонистон ба Маҷмаи ваҳдати миллӣ ва эҳёи Тоҷикистон, воқеъ дар майдони «Дӯстӣ»-и Душанбе ташриф оварда, ҳамчун рамзи эҳтиром ба таъриху тамаддуни миллати тоҷик дар пояи муҷассамаи шоҳ Исмоили Сомонӣ-нахустин асосгузори давлати тоҷикон гулчанбар гузошт.
      Хабарнигори АМИТ «Ховар» иттилоъ медиҳад, ки дар ин маросим  Абдул Рауф Иброҳимиро муовини аввали раиси Маҷлиси намояндагони Маҷлиси Олии Ҷумҳурии Тоҷикистон Амиршо Миралиев ҳамроҳӣ кард.
     Мавриди зикр аст, ки раиси Вулуси ҷиргаи  Шӯрои миллии Афғонистон шоми 3 декабр бо даъвати Шукурҷон Зуҳуров -раиси Маҷлиси намояндагони Маҷлиси Олии Ҷумҳурии Тоҷикистон бо як ҳайати баландпояи парлумонӣ  озими Душанбе гардид.