Таъсиси Маркази рушди зеҳнии ҷавонони Тоҷикистон дар ДТТ

Душанбе, 26.12.2014 (АМИТ «Ховар», Фарзонаи Давлат).-Дар заминаи Маркази мониторинги рақобатпазири донишҷӯёни ДТТ дар бозори меҳнат Маркази рушди зехнии чавонони Точикистон ва дарёфти истеъдодхо таъсис дода шуд.
Бино ба иттилои Кумитаи ҷавонон, варзиш ва сайёҳӣ, маркази мазкур дар асоси мувофиқаи тарафайн миёни кумита бо Донишгоҳи технологии Тоҷикистон таъсис гардида, оид ба  кушодашавии маркази мазкур раиси Кумитаи ҷавонон, варзиш ва сайёҳи Аҳтам Абдуллозода ва ректори ДТТ Нуралӣ Шоев созишнома ба имзо расониданд.
Гуфта мешавад, ки мақсад аз таъсиси маркази мазкур дар амал тадбиқ намудани сиёсати давлат оид ба таъмини  иҷрои қонуни Тоҷикистон «Дар бораи ҷавонон ва сиёсати давлатии ҷавонон», «Дар бораи фаъолияти инноватсионӣ», низомномаи кумита ва Оинномаи донишгоҳ, «Барномаи рушди инноватсиониӣ дар Тоҷикистон барои солҳои 2011-2020», «Барномаи рушди неру ва моликияти зеҳнии инсон дар давраи то соли 2020» ва дигар санадҳои меъёрии ҳуқуқӣ мебошад.