Вохӯрии Х. Ибодзода бо намояндагони Хадамоти ҳифзи ҷангалҳои ИМА
Душанбе, 18.12.2014. (АМИТ «Ховар», Назири Назир).-Дар мувофиқа бо Вазорати корҳои хориҷии кишвар 16 декабри соли равон вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода бо роҳбари Раёсати барномаҳои байналмилии Хадамоти ҳифзи ҷангалҳои ИМА Вал Мезанис, собиқ роҳбари раёсати мазкур Дейл Босворв ва мутахассиси ин хадамот Брэд Киндер баргузор гардид.Дар вохӯрӣ масъалаҳои ҳамкориҳои дуҷонибаи соҳаи ҳифзи муҳити зист ва хоҷагиҳои ҷангали ду давлат мавриди баррасӣ қарор гирифтанд. Вал Мезанис зикр намуд, ки майдони умумии ҷангалҳои ИМА 77 миллион га-ро ташкил мекунад ва аз ин шумора 60%-и он ба бахшҳои хусусӣ мутааллиқ аст. Дар Хадамоти ҷангали ИМА 35 ҳазор корманд фаъолият менамояд. Зикр кардан ба маврид аст, ки Хадамоти ҷангали ИМА бо 90 давлати ҷаҳон, аз ҷумла бо Ҷумҳурии Тоҷикистон ҳамкорӣ дорад. Ҳамзамон ҷонибҳо доир ба масоили идораи парку мамнӯъгоҳ ва парваришгоҳҳо, инчунин омодасозӣ ва омӯзиши кадрҳо миёни Тоҷикистону ИМА табодули назар намуданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
