Зарари маводи нашъаовар ба ҷавонон

 Душанбе,11.12.2014. (АМИТ “Ховар”, Рафоати Абдулҳамид).- «Нашъамандӣ, зарари маводи нашъаовар ба ҷавонон, ояндаи  ҷомеа»-  таҳти чунин унвон дирӯз дар Донишгоҳи Давлатии омўзгории Тоҷикистон ба номи Садриддин АйнӣкКонфронси илмӣ — назариявӣ баргузор гардид. Иштирокчиёни ҳамоиш бо ҷалби масъулину мутахассисони соҳа ба донишҷўён сабаб, омил, роҳҳои вобаста шудани ҷавонон ба маводи мухаддир ва оқибатҳои онро шарҳ доданд.
Устодони донишгоҳ дар ҳамкорӣ бо нозирони шуъбаи назорати муомилоти маводи нашъаовар ва пешгирии нашъамандӣ дар назди Агентии нашъаовари назди Президенти Ҷумҳурии Тоҷикистон дар мавзӯъҳои «Намудҳои маводи нашъаовар, зарари онҳо ба ҷисми инсонҳо ва роҳҳои паҳншавии он», «Зиёд гардидани нашъамандӣ, таҳдид ба ояндаи ҷомеа» «роҳҳои пешгирии нашъамандӣ дар байни ҷавонон, тавассути иттилоот» маърўзаҳо намуданд.