67 ҳолати фавқулода дар ҷумҳурӣ

Душанбе, 15.01.2015. (АМИТ “Ховар”, Ситораи Боймурод).- Дар соли 2014 дар ҳудуди ҷумҳурӣ 67 ҳолати фавқулодаи дорои хусусияти табиӣ ба амал омадааст,- иброз дошт Абдусаттор Хушвахтов, муовини аввали раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон имрӯз, 15-уми январ зимни нишасти хабарӣ.
Гуфта мешавад, ки дар ин давра шумораи ҳолатҳои фавқулода, ҳаҷми ҳисорот кам гардида бошад ҳам, вале бар асари офатҳои табиӣ 31 нафар шаҳрванди ҷумҳурӣ ба ҳалокат расид.
Аз 67 ҳолати фавқулодаи дорои хусусияти табиии ба қайд гирифта шуда, дар 29 ҳолат зарар муайян шудааст, ки ҳамагӣ 41млн 504 ҳазору 600 сомониро ташкил медиҳад.