75 соли соҳаи тандурустӣ

Душанбе, 12.01.2015. (АМИТ “Ховар”, Рафоати Абдулҳамид).- Имрӯз, 12- уми январ зимни нишасти матбуотӣ ректори  Донишгоҳи давлатии тиббии Тоҷикистон Убайдулло Қурбонов гуфт, ки ДДТТ аз  муассисаҳои  бонуфузи  таҳсилоти  олии касбии  кишвар  маҳсуб  ёфта, ҳамчун  маркази асосии  тарбияи  мутахассисони  дорои  маълумоти олии соҳаи  тандурустӣ 75 сол аст, ки  рисолати  тарбия  ва тайёр  намудани   табибони   олидараҷаро  бар дӯш дорад. Дар  тўли  фаъолияти  худ Донишгоҳ  зиёда  аз 37 ҳазор  мутахассиси варзидаи  соҳаро  тайёр намуд, ки онҳо  ҳам  дар  ватани  азизамон  ва ҳам  дар  хориҷи  кишвар  сарбаландона   фаъолият менамоянд. 
Дар соли 2014  шумораи  донишҷўён аз 7793  нафар, шумораи  магистрҳо,  ординаторҳо клиникӣ, интернаҳо  аз 696  нафар,  шумораи  шунавандагони  Маркази омодагии қалбӣ аз 683 нафар,  шумораи  унвонҷўён ва  аспиранту  доктарантҳо аз  207 нафар  иборат мебошад, ки  дар  маҷмўъ, 9379 нафар муҳассил  ба таҳсил фаро  гирифта шуд.