А. Исматзода: 18 720 сомонӣ маблағи зарар барқарор шуд

 
Душанбе, 20.01.2015. (АМИТ «Ховар», Лайло Тоирӣ).- То 1 январи соли равон дар ташкилоту муассисаҳои низоми Агентии хоҷагии ҷангали назди Ҳукумати ҶТ ба миқдори 114 тонна чормағз, 56 тонна писта, 97 тонна меваи хушк, 723 тонна ғаллагӣ, 199 тонна сабзавот ва полезиҳо, 286 тонна картошка, 40 тонна меваи хуч, 15,2 тонна асали молӣ ва дигар маҳсулоти ҷангал ва кишоварзӣ истеҳсол гардид, ки дар маҷмӯъ нисбат ба ҳамин давраи соли гузашта зиёд мебошад. Ин нуктаро имрӯз, 20 январ зимни нишасти матбуотӣ директори Агентии хоҷагии ҷангали назди Ҳукумати ҶТ Азизулло Исматзода ироа намуд.
Дар соли 2014 хоҷагиҳои ҷангал оид ба саршумор ва наслгирӣ аз ҳайвони шохдори калон ба дастовардҳои назаррас ноил гардиданд. 
«Дар давоми соли 2014- 144 ҳодисаи шикори ғайриқонунӣ ба маблағи умумии 18 720 сомонӣ ошкор гардида, маблағи зарар пурра барқарор  шуд»,-гуфт А.Исматзода.