Дастурҳои таълимию методӣ барои мактаб-интернатҳои махсус

Душанбе, 13.01.2015. (АМИТ “Ховар”, Ситораи Боймурод).- Тавре ки аз  Вазорати маориф ва илми кишвар ба хабарнигори АМИТ «Ховар» иттилоъ доданд, то имрӯз аз ҷониби ҷаласаи мушовараи Вазорати маориф ва илм 41 номгӯй китобу дастурҳои таълимӣ, методӣ ва ёрирасони мактаб-интернатҳои махсус ба чоп тавсия гардида, дар айни замон 21 китобу дастурҳои таълимию методӣ ва ёрирасон дар дасти муаллифон ва муқарризон қарор доранд.
Татбиқи “Барномаи давлатии компютеркунонии муассисаҳои таҳсилоти умумии Ҷумҳурии Тоҷикистон барои солҳои 2011-2015” дар муассисаҳои таҳсилоти умумии шаҳру ноҳияҳои ҷумҳурӣ идома дорад.
То имрӯз муассисаҳои таълимии ҷумҳурӣ бо 48 ҳазору 125 адад компютер, 8008 адад принтер таъмин гардидаанд, ки ин 100,2 фоизи иҷрои барномаро ташкил медиҳад.