Фаъолияти эҷодии 16 театри касбӣ дар ҷумҳурӣ

Душанбе, 17.01.2015. (АМИТ “Ховар”, Рафоати Абдулҳамид).- Дар соли сипаришуда аҳли санъати ҷумҳурӣ ба дастовардҳои назаррас ноил гардиданд. Дар айни замон дар ҷумҳурӣ 16 театри касбӣ, аз ҷумла 6 театр дар шаҳри Душанбе, 6 театр дар вилояти Суғд, 3 театр дар вилояти Хатлон, 1 театр дар ВМКБ ва ҳамагӣ 10 муассисаи консертию эҷодӣ фаъолият дорад.
Дар нишасти матбуотии Вазорати фарҳанги ҶТ Шамсиддин Орумбекзода зикр намуд, ки дар муассисаҳои театрию консертӣ 1295 нафар ҳунарпеша, аз ҷумла, 2 нафар Ҳунарпешаи халқии СССР, 69 нафар Ҳунарпешаи халқии Тоҷикистон, 72 нафар Ҳунарпешаи шоистаи Тоҷикистон, 8 нафар Арбоби ҳунари Тоҷикистон, 9 нафар дорандаи ордени “Шараф”, 43 нафар дорандаи медали “Хизмати шоиста”, 3 нафар корманди шоистаи Тоҷикистон, 15 нафар дорандаи “Ифтихорномаи”- и Президенти Ҷумҳурии Тоҷикистон, 1 нафар Рассоми халқии Тоҷикистон, 3 нафар барандаи Ҷоизаи давлатии ба номи Абуадӯллоҳи Рӯдакӣ фаъолияти эҷодӣ дорад.