Хатмкунандагони литсейи ДМТ донишҷӯ шуданд

Душанбе, 10.01.2015 (АМИТ «Ховар», Рафоати Абдулҳамид).- Дирӯз зимни нишасти матбуотии Донишгоҳи миллии Тоҷикистон  гуфта шуд, ки соли ҷорӣ 133 нафар хонандагони литсейи назди донишгоҳ  дар олимпиадаи ноҳиявӣ иштирок намуда, соҳиби 63 ҷойи ифтихорӣ гардиданд, ки аз онҳо 21 нафар ҷойи аввал, 24 нафар ҷойи дуюм ва18 нафар ҷойи сеюмро ишғол кард. Аз онҳо 45 нафар барои иштирок дар олимпиадаи шаҳрӣ роҳхат гирифт, ки ин миқдор нисбат ба ҳамин давраи соли гузашта ду баробар зиёд мебошад.
  Соли ҷорӣ литсейи донишгоҳро 46 нафар хонанда хатм намуд, ки ҳамаи онҳо (100%) ба сафи донишҷуён қабул гардиданд.