Истифодаи технологияи иттилоотӣ-иртиботӣ дар раванди таълим
Душанбе, 28.01.2015. (АМИТ «Ховар», Раъно Нусратуллозода).-Дар партави Паёми имсолаи Президенти Ҷумҳурии Тоҷикистон Эмомалӣ Раҳмон ба Маҷлиси Олӣ ва бо ибтикори Раёсати таълими Донишкадаи молия ва иқтисоди Тоҷикистон (ДМИТ) аз 27 то 31 январ курси омӯзишии «Истифодаи технологияҳои иттилоотӣ-иртиботӣ дар раванди таълим» барои ҳамаи устодон ташкил шуд.
Тавре ки Машҳура Абдуллоева, сухангӯи ДМИТ иттилоъ дод, вобаста ба ин Илҳомуддин Иброҳимов, муовини ректор оид ба таълим гуфт, ки раёсати донишкада бо мақсади тадриҷан вусъат бахшидани истифодаи технологияҳои иртиботӣ-иттилоотӣ дар раванди таълим ва дастрасии омӯзгорону кормандон ба маводи электронии иттилоотию таълимӣ, илмию методӣ курсҳои такмили ихтисосро ташкил кардааст. Бинобар ин ҳамаи устодони донишкада дар раванди таълим бояд аз васоити технологии муосир истифода бурда тавонад, зеро ин талаботи замон аст.
Бояд зикр кард, ки шунавандагон доир ба истифодаи тахтаи электронӣ, танзим ва истифодаи пакети барномаҳои MSOffice тавассути тахтаи электронӣ, ҷустуҷӯи маълумот дар муҳити шабакаи ҷаҳонӣ тавассути тахтаи электронӣ маълумот хоҳанд гирифт.
Ёдовар мешавем, ки маротибаи сеюм аст, ки дар донишкада ин гуна курсҳо ташкил мешаванду устодон аз он баҳра мебаранд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
