Мусодираи қариб 10 кг ҳашиш дар Мастчоҳ
Душанбе, 07.01.2015 (АМИТ «Ховар», Лайло Тоирӣ).- Дар натиҷаи гузаронидани чорабиниҳои фаврӣ-ҷустуҷӯӣ кормандони Раёсати Агентии назорати маводи нашъаовари назди Президенти ҶТ дар вилояти Суғд дар ҳудуди ноҳияи Мастчоҳ се нафар сокини маҳаллиро дастгир намуданд. Аз боздоштшудагон як адад сумкаи варзишӣ мусодира гардид, ки дар дохили он 9 баста бо маводи фишурдашудаи росткунчашакли бӯи махсус дошта мавҷуд буд.
Тавре ки аз хадамоти матбуоти агентӣ хабар доданд, шуъбаи ташхиси криминалистии РВКД дар вилояти Суғд муайян намуд, ки маводи мусодирашуда ҳашиш буда, вазни он 9 кг 176 граммро ташкил менамояд.
Дастгиршудагон дар тафтишоти пешакӣ баёнот доданд, ки ният доштанд маводи нашъаовари ҳашишро берун аз ҳудуди ҷумҳурӣ интиқол диҳанд.
Аз рӯи ҳодисаи мазкур аз тарафи гурӯҳи тафтишотии Раёсати агентӣ парвандаи ҷиноӣ бо моддаи 200 қ.4 КҶ ҶТ (“Муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан ба миқдори махсусан калон”) оғоз гардидааст.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
