Р. Назарзода амалиёти “Кӯкнор-2014”-ро бобарор номид
Душанбе, 29.01.2015. (АМИТ “Ховар”, Мавҷуда Анварӣ).-«Дар соли 2014 бевосита аз тарафи кормандони Агентии назорати маводи нашъаовари назди Президенти ҶТ дар ҳудуди Ҷумҳурии Тоҷикистон 154 ҷинояти вобаста ба муомилоти ғайриқонунии маводи нашъаовар ошкор шуда, зиёда аз 981 кг маводи нашъадор мусодира гардид, ки ин нисбат ба соли 2013 5% зиёд мебошад». Ин нуктаро дирӯз зимни нишасти матбуотӣ роҳбари агентӣ Рустам Назарзода иброз намуд.
Аз рӯи иттилои роҳбарияти ин ниҳод, дар ин давра инчунин 2 ҳодисаи муомилоти ғайриқонунии маводи нашъаовари синтетикӣ ва маводи психотропӣ ба қайд гирифта шуда, 3036 ҳаби синтетикии МДМА мусодира гардид, ки ин 65,6 % ҳабҳои синтетикии дар ҷумҳурӣ мусодирашударо ташкил медиҳад.
Р. Назарзода амалиёти “Кӯкнор-2014” низ бобарор номид. Дар натиҷаи гузаронидани амалиёти “Кӯкнор-2014” аз тарафи кормандони ВКД, КДАМ, ХГ, АНМН аз муомилоти ғайриқонунӣ зиёда аз 2 т маводи нашъаовар, аз ҷумла 234 кг 793 гр. героин, 428 кг 797 гр. афюн ва 1 т 799 кг 047 гр. маводи нашъаовари гурӯҳи канабис мусодира гардид. Зимни амалиёт 193 ҳодисаи парвариши 1 млн 110 971 бех банги худрӯй дар масоҳати 3,7 га ошкор гардид, ки он бо роҳи сӯзонидан нобуд карда шуд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
