Тоҷикистон 58 созишномаи бахши фарҳангро имзо кардааст
Душанбе, 16.01.2015. (АМИТ «Ховар», Фарзона Достонзода).- «То имрӯз Вазорати фарҳанг 58 созишномаи дуҷонибаю бисёрҷониба, ҳамчунин барномаҳои байниҳукуматӣ дар бахши фарҳанг бо кишварҳои хориҷӣ ва ҳамсояро ба имзо расонидааст», — гуфт вазири фарҳанги Ҷумҳурии Тоҷикистон Шамсиддин Орумбекзода зимни вохӯрӣ бо намояндагони васоити ахбори омма.
Зикр шуд, ки бо роҳандозии ин созишномаҳо Рӯзҳои фарҳанги Тоҷикистон дар ҶМЧ ва Рӯзҳои фарҳанги Федератсияи Русия ва Туркманистон дар Тоҷикистон, ҳунарнамоии ҳунарпешагони шаҳри Варшава дар саҳнаи сирки тоҷик, ҳамчунин иштироки гурӯҳи ходимони санъати кишвар дар ҷашнвораи байналмилалии Наврӯз — 2014 дар Афғонистон дар сатҳи баланд доир шуданд.
Барои татбиқи «Барномаи давлатии санъати сирки Ҷумҳурии Тоҷикистон барои солҳои 2013 — 2017» 14 нафар хатмкунандагони студияи сирк ба Коллеҷи санъат ва эстрадаи сирки ба номи Румянтсеви шаҳри Маскав дохил шуданд.
Қобили зикр аст, ки Вазорати фарҳанг бо супоришу дастурҳои Президенти ҶТ барномаҳои консертию бадеиро ба ифтихори таҷлили 3000 — солагии Ҳисор, 700 — солагии Мир Сайид Алии Ҳамадонӣ ва чорабиниҳои дигари байналмилалию ҷумҳуриявиро дар сатҳи баланд роҳандозӣ карданист.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
