«Ганҷи Исфара»-маҳфили фарҳангӣ

Февраль 4, 2015 08:46

Душанбе, 04.02.2015. (АМИТ «Ховар»).-Маҳфили нахустини суханварони Исфара-«Ганҷи Исфара» дар Қасри шифокорони истироҳатгоҳи «Зумрад» баргузор гардид. Намояндаи Мақомоти иҷроияи ҳокимияти давлатӣ, мудири бахши рушди иҷтимоиёт ва робита бо ҷомеа Собир Рустамов аҳли маҳфилро шодбош гуфта,  шоир Акмалхӯҷа Акрамов аз ашъори худ барои аҳли маҳфил намунаҳо қироат кард, ки мавриди писанди ҳозирин қарор гирифт.
Қисмати дигари маҳфил ба ҳаёту эҷоди шоири ӯзбекзабони Исфара ва тарҷумони мумтоз Одил Икром бахшида шуд, ки ба 55- солагии зодрӯз ва 30- солагии оғози фаъолияти эҷодиаш рост омад. Зимнан бояд гуфт, ки Одил Икром дар муаррифии адабиёти тоҷик дар кишвари Ӯзбекистон саҳми назаррас дорад. Тарҷумаи ашъори Фурӯғи Фаррухзод, «Модарнома»-и Лоиқ, шеърҳои Фарзона, Аҳмадҷони Раҳматзод, Озарахш, Озар маҳсули заҳматҳои ӯст. «Маснавии маънавӣ»-и Ҷалолиддини Балхиро тарҷума кардааст, ки дар дасти чоп аст. Ҳамчунин ашъори 70 тан аз шоирони муосири тоҷикро ба ӯзбекӣ баргардон кардааст, ки ҳамин сол дар Тошканд бояд ба табъ расад.
Одил Икром масъулияти хешро чун пайвандгари адабиёт шинохтааст ва дар ин ҷода устувор қадам мезанад.
Маҳфили «Ганҷи Исфара»-ро инчунин шеърхонии шоирон Исматуллоҳи Абдуллоҳ ва Нарзуллои Азизиён ва ҳунарнамоии ҳофизи шинохта Юсуфхӯҷаи Қурбон ҷило бахшид.
 
 

Февраль 4, 2015 08:46

Хабарҳои дигари ин бахш

Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд