Муборизаи Агентии зидди фасод бар зидди вабои аср
Душанбе, 20.02.2015. (АМИТ«Ховар», Муқаддас Темурзода).-Мулоқоти кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон доир ба “Стратегияи муқовимат бо коррупсия барои солҳои 2013-2020» бо мақсади таҳлили хавфҳои коррупсия ва пешгирии ҷиноятҳои коррупсионӣ дар баробари дигар вазорату идораҳо дар Донишгоҳи давлатии тиҷорати Тоҷикистон бо ҷалби омӯзгорону донишҷӯён баргузор гардид.
Агентии назорати давлатии молиявӣ ва мубориза бо коррупсияи ҶТ иттилоъ медиҳад, ки рейтинги Тоҷикистон дар муқоиса ба соли 2013-ум ду зина поён рафт, ки ин бозгӯ аз он аст, ки шиддати коррупсия дар кишвар костатар гардидааст. Инчунин содиршавии ҷиноятҳои коррупсионӣ дар давраи соли 2014 дар қаламрави кишвар натиҷагирӣ ва мавриди омӯзишу таҳлил қарор дода шуд. Масъулин изҳор доштанд, ки чун солҳои қаблӣ низоми Вазорати маориф ва илми кишвар дар соли 2014 низ миёни мақомоти фасодзада пешсаф будааст. Дар ҷойи дуюм Вазорати тандурустӣ қарор дорад.
Дар соли сипаригардида дар соҳаи маориф 101 ҷинояти марбут ба коррупсия ошкор гардида, ба Вазорати тандурустӣ 70 ҷиноят рост омадааст. Ба Вазорати корҳои дохилӣ 48 ҷиноят марбут дода шуд. Вале низоми бонкии кишвар низ дур аз фасод набудааст, зеро дар соли 2014 кормандони зидди фасод 129 ҷиноятро ба қайд гирифтанд. Ба гуфти масъулин, мутаассифона. имрӯзҳо азхудкунии маблағҳои давлатӣ миёни мансабдорон низ ошкор гардидааст. Ин аз ҳисоби барзиёд нишон додани ҳаҷми корҳои сохтмонӣ асту мувофиқаи пешакии мансабдорони давлатӣ бо ширкатҳои сохтмонӣ. Бо ҷурми даст ба ҷиноят задан 129 нафар аз мақоми ишғолкарда озод шуд.
Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон мақсади ин гуна мулоқотҳоро дар он арзёбӣ карданд, ки ҷавонон аз паёварди нохуши коррупсионӣ худро эмин нигоҳ доранд. Ба гуфтаи мутахассисони пешгирикунандаи ҳолатҳои коррупсионӣ дар ҳоле ин падидаи номатлуб, ки метавон вабои асраш номид, аз ҷомеа решакан мешавад, ки ҳамагон алайҳи ришваю ришвахорӣ дар мубориза бошанд.
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
