Рушди ҳамкориҳо миёни милитсияи Тоҷикистону Эрон
Душанбе, 10.02.2015. (АМИТ «Ховар», Муқаддас Темурзода).-Дирӯз вазири корҳои дохилӣ Раҳимзода Рамазон Ҳамро бо Сафири Фавқулода ва Мухтори Ҷумҳурии Исломии Эрон дар Тоҷикистон Ҳуҷҷатулоҳ Фағонӣ мулоқот анҷом дод.
ВКД ҶТ иттилоъ медиҳад, ки дар вохӯрӣ ҳамчунин Беҳзоди Рафеъӣ — вобастаи низомии Сафорати Ҷумҳурии Исломии Эрон дар Тоҷикистон ва Саидмӯҳсин Рашид-ул-Исломӣ — мушовири сафир ширкат варзиданд.
Зимни мулоқот ҷонибҳо дар самти мубориза бар зидди ҷинояткорӣ, аз ҷумла терроризм, экстремизм, сепаратизм ва хариду фурӯши ғайриқонунии силоҳ табодули афкор намуданд.
“Масъалаҳои мазкур на танҳо Тоҷикистону Эрон, балки тамоми давлатҳои минтақаро ба ташвиш овардаанд. Дар ин масоил Вазорати корҳои дохилии Ҷумҳурии Тоҷикистон ва Ҷумҳурии Исломии Эрон равобити зичи ҳамкориҳоро роҳандозӣ намудаанд»,-зикр шуд дар мулоқот.
Дар мулоқот тарафҳо аз рушд ёфтани ҳамкориҳои мутақобилан судманд изҳори қаноатмандӣ намуданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
