Суғд: Омодагиҳо ба таҷлили Рӯзи Модар

Душанбе, 12.02.2015. (АМИТ «Ховар», Ситораи Боймурод).- Бо мақсади татбиқи сиёсати давлат дар ҷодаи дастгирии занон ва духтарон, қадршиносӣ аз саҳми арзандаи онҳо дар ҳаёти ҷамъиятӣ, таъмини фаъолнокии минбаъдаи онҳо, таҳкими нақш ва мақоми Модар дар ҷомеа 8 марти соли 2015 дар вилояти Суғд Рӯзи Модар ботантана таҷлил мешавад.
Тавре ки дар ин бора хадамоти матбуоти раиси вилояти Суғд хабар додааст, тибқи қарори раиси вилояти Суғд  бахшида ба Рӯзи Модар дар шаҳру навоҳии вилоят гузаронидани чорабиниҳо дар назар аст. Аз ҷумла, гузаронидани маҷлиси фаъолзанони вилоят, маҳфили адабӣ дар шаҳру навоҳӣ таҳти унвони «Оилаи солим — ҷомеаи солим», «Маҳфили модарон», аёдати занони собиқадор ва қаҳрамонони меҳнат дар назар аст.