Тағйири қурбҳои асъори хориҷӣ

Душанбе, 16.02.2015. (АМИТ «Ховар», Лайло Тоирӣ). —  Дар нимаи аввали ҳафтаи гузашта қурби доллари ИМА дар нуқтаҳои мубодилаи асъори ҷумҳурӣ андаке баланд шуда, ба ҳисоби миёна ба 5,7050-5,7250 сомонӣ расид. 
    Бино ба маълумоти хадамоти матбуоти Бонки миллии Тоҷикистон, ҳамчунин дар ин рӯзҳо қурбҳои миёнаи амалиёт бо рубли русӣ ва евро низ каме баланд шуда, 0,0840-0,0850 сомонӣ ба як рубли русӣ ва 6,4000-6,4230 сомонӣ ба як евро баробар шуд. 
  12 феврал қурби миёнаи доллари ИМА дар нуқтаҳои мубодилаи асъори шаҳрҳои Душанбе ба 5,7220-5,7420 сомонӣ, Хуҷанд ба 5,7200-5,7400 сомонӣ ва Қурғонтеппа ба 5,7200-5,7400 сомонӣ баробар буд.