Вохӯрӣ бо муҳоҷирони меҳнатӣ

  Панҷакент, 11.02.2015. (АМИТ «Ховар», Гулбаҳори Худойбердӣ).-Дар давоми моҳи феврал дар якҷоягӣ бо Бахши ҷавонон, варзиш ва сайёҳӣ дар маркази шаҳр ва 14 ҷамоати шаҳри Панҷакент  оид ба талаботи нави қонунгузории Федератсияи Русия дар самти муҳоҷирати меҳнатӣ, тарзи гирифтани патент, тарзи пур кардани варақаҳои муҳоҷиратӣ, супоридани имтиҳон (тест) аз забони русӣ, таърих ва асосҳои қонунгузории Федератсияи Русия, касбомўзӣ ва дигар паҳлўҳои муҳоҷират 3 вохўрӣ гузаронида шуд. Дар ин бора мудири бахши Хадамоти муҳоҷират дар шаҳри Панҷакент Ашраф Ғафуров иттилоъ дод.
Ба гуфтаи мусоҳиб дар ҷараёни вохўриҳо зиёда 469 нафар сокини ноҳия иштирок намуда, рўйхати муҳоҷирони манъкардашуда ба Федератсияи Русия бо мақсади бо ҷойи кор таъмин кардани онҳо тартиб дода шуд. 
.