Ҳаёт, осор ва асрори марги Туғрал дар китоби нави Рабизода

Душанбе, 03.03.2015. (АМИТ «Ховар», Маҳмудзода Баҳманёр).-Ба муносибати 150- умин солрӯзи охирин намояндаи адабиёти классикии тоҷик  Нақибхон Туғрали Аҳрорӣ  нашриёти   «Ашӯриён» китоби нависандаи маъруфи тоҷик  Абдурофеъ Рабизодаро бо номи  «Марги роҳбалад ё муаммои кушта шудани Туғрал» мунташир кард.  
  Абдурофеъ Рабизода дар суҳбат ба АМИТ «Ховар» таъкид дошт, ки ин китоб  паҳлӯҳои норӯшани ҳаёт ва осори Туғралро пешорӯи хонандагон боз хоҳад кард ва он бо сабку усули  силсилаасарҳои машҳури «Зиндагиномаи одамони наҷиб» навишта шудааст.
Абдурофеъ Рабизода аз сермаҳсултарин адибони имрӯзи тоҷик буда, осораш ба бештар аз чил забони дунё тарҷумаву нашр шудаанд.