Арзёбии фаъолияти ҷузъу томҳои зиддимухаддиротӣ
Душанбе, 30.03.2015. (АМИТ «Ховар», Мавҷуда Анварӣ).- Ҳафтаи гузашта дар Агентии назорати маводи нашъаовар вохӯрӣ оид ба масъалаҳои меъёри арзёбии фаъолияти ҷузъу томҳои зиддимухаддиротӣ баргузор гардид, ки дар он намояндагони Намояндагии минтақавии СММ оид ба маводи нашъаовар ва ҷинояткорӣ дар Тоҷикистон ва Қирғизистон, шуъбаҳои назорати маводи нашъаовари назди Сафорати ИМА дар Тоҷикистон иштирок намуданд.
Роҳбари агентӣ Рустам Назарзода самаранокии мавзӯи муҳокимашавандаро зикр намуда, пешниҳод намуд, ки ин гуна вохӯриҳо бо иштироки коршиносон давом дода шаванд, инчунин моҳи апрели соли ҷорӣ мизи мудаввари дуюм оид ба масъалаи мазкур бо иштироки намояндагони вазорату идораҳои ҶТ ташкил шуда, дар якҷоягӣ бо шарикон меъёрҳои умумии арзёбии фаъолияти ҳамаи идораҳои зиддимухаддиротии минтақа таҳия шаванд.
Намояндагони Раёсати СММ оид ба маводи нашъаовар ва ҷинояткорӣ таҷрибаи истифодаи меъёрҳои арзёбии фаъолияти АНМН-ро мусбат баҳо дода, иброз намуданд, ки таҷрибаи мазкур дар мақомоти ҳифзи ҳуқуқи кишварҳои минтақа истифода намешавад.
Таҳияи лоиҳа оид ба меъёрҳои арзёбии фаъолияти сохторҳои дигари зиддимухаддиротӣ имкон медиҳад, ки фаъолият дар масъалаи ташкили мубориза бар зидди муомилоти ғайриқонунии маводи нашъаовар, пешгирии ҷиноятҳои вобаста ба маводи нашъадор дар минтақа воқеӣ ва холисона арзёбӣ шавад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
