Чорабиниҳои зиддимухаддиротӣ дар Бадахшон

 Душанбе, 18.03.2015. (АМИТ «Ховар»).-Дар арафаи Иди Наврӯз кормандони Раёсати Агентии назорати маводи нашъаовари назди Президенти ҶТ дар ВМКБ дар мактаби №7-и шаҳри Хоруғ вохӯрӣ доир карданд. Мутахассисони агентӣ ба иштироккунандагон оид ба бемории нашъамандӣ ва оқибатҳои он, зарари он ба генофонди миллат ва намудҳои вобастагӣ ба маводи нашъаовар маълумоти мушаххас дода, зикр намуданд, ки дар вилоят теъдоди нашъамандон ба 872 нафар расидааст. Аз онҳо дар шаҳри Хоруғ теъдоди нашъамандон ба 431 нафар расидааст, ки аз он 3 нафараш зан аст. Оид ба касалиҳои вируси масъунияти бадани одам чунин шарҳ доданд, ки теъдоди гирифторони ин касалиҳо дар вилоят ба 411 нафар расида, аз он 72 нафар зан мебошад. Дар шаҳри Хоруғ теъдоди гирифторони касалиҳои вируси норасоии маъунияти бадан ба 332 нафар расида, 30 нафари онро  занон ташкил медиҳанд.
Инчунин бо мақсади тарғиби тарзи ҳаёти солим чорабинии варзишӣ аз намуди муҳорибаи самбо гузаронида шуда, дар он 70 нафар варзишгари вилоят дар категорияи зиёда аз 60 кг маҳорати худро нишон дод.
Зикр кардан ба маврид аст, ки дар чорабинии мазкур зиёда аз 150 нафар дӯстдори ин намуди варзиш иштирок намуда, ба ғолибони мусобиқа аз тарафи Раёсати Агентии назорати маводи нашъаовар дар ВМКБ туҳфаҳои хотиравӣ ва ифтихорномаҳо тақдим  шуданд.