Интихоботи ММ МО ҶТ шурӯъ шуд
Душанбе, 27.03.2015.(АМИТ «Ховар», Марзия Саидзода).- Имрӯз дар Ҷумҳурии Тоҷикистон интихоботи Маҷлиси миллии Маҷлиси Олии Ҷумҳурии Тоҷикистон баргузор мегардад.
Дар иртибот ба ин чорабинии муҳими сиёсӣ дар кишвар панҷ ҳавзаи интихоботӣ ҷиҳати интихоби аъзои палатаи болоии Парлумони мамлакат таъсис дода шудааст. Ҳавзаҳои интихоботӣ асосан дар марказҳои маъмурии вилоятҳои Суғду, Хатлон, Вилояти Мухтори Кӯҳистони Бадахшон ва шаҳри Душанбе таъсис шудаанд.
Тибқи иттилои Комиссияи марказии интихобот ва раъйпурсии кишвар 25 номзад ба узвияти Маҷлиси миллӣ пешбарӣ гардидааст.
Мавриди зикр аст, ки Маҷлиси миллӣ -палатаи болоии Парлумони Тоҷикистон 33 аъзо дошта, 25 нафараш тавассути интихоботи маҷлисҳои маҳаллӣ пешбарӣ ва интихоб гардида, 8 нафар бо Фармони Президенти кишвар таъйин мешавад. Инчунин Президенти нахустини Тоҷикистон Қаҳҳор Маҳкамов узви доимии ин палата мебошад.
Маҷлиси миллии Маҷлиси Олии Ҷумҳурии Тоҷикистон 15 сол муқаддам — соли 2000 таъсис дода шуда, дар ин муддат раисии палатаи болоии Парлумони мамлакатро Маҳмадсаид Убайдуллоев, ки ҳамзамон раиси шаҳри Душанбест, ба уҳда дошт.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
