Пирӯзии паҳлавонони тоҷик дар Анталия
Душанбе, 10.03.2015. (АМИТ “Ховар”, Ситораи Боймурод).- Дастаи мунтахаби наврасони дзюдои Тоҷикистон дар Ҷоми Аврупо оид ба дзюдо байни кадетҳои 16-17- сола, ки дар шаҳри Анталияи Туркия баргузор шуд, соҳиби ду медали биринҷӣ гардиданд.
Тавре ки дар ин бора Кумитаи миллии олимпии кишвар хабар додааст, Ёқубҷон Назиров дар рақобатҳо дар вазни зери 73 кг баъди се пирӯзӣ бар Киллиан Пиротон (Люксембург), Никита Иванов (Русия) ва Георгий Папошвили (Гурҷистон) дар даври ниманиҳоӣ аз Адилет Талант Уулу (Қирғизистон) мағлуб гашт. Баъдан Ёқубҷон барои ҷойи севум Атам Барахоевро аз Русия шикаст дод ва соҳиби медали биринҷӣ шуд.
Паҳлавони дигари тоҷик Хуршед Маҷидов дар вазни беш аз 90 кило пас аз ду ғалаба бар Александр Курнакин (Русия) ва Санҷар Ҷабборов (Қазоқистон) дар даври ниманиҳоӣ аз Камол Кайтов (Русия) шикаст хӯрд. Сипас Хуршед дар қувваозмоӣ барои ҷойи севум бар Мухтор Абдумалик аз Қазоқистон ғолиб омад.
Гуфта мешавад, ки Ҷоми Аврупо барои гӯштингирони навраси тоҷик аввалин мусобиқаи бузурги байналмилалӣ дар мавсими имсола маҳсуб мешуд. Ба ҳайати тими мунтахаби наврасони Тоҷикистон 10 варзишгар шомил буд.
Дар Ҷоми Аврупо оид ба дзюдо байни кадетҳо дар Туркия 462 варзишгар (292 мард ва 170 зан) аз 21 кишвар (17 кишвари Аврупо ва 4 кишвари Осиё) иштирок доштанд.
Дар ҳисоби умумидастаӣ дастаи мунтахаби Русия бо касби 26 медал (6 тилло, 10 нуқра ва 10 биринҷӣ) ғолиб шуд. тими мунтахаби Туркия (3-1-4) ҷойи дувум ва дастаи мунтахаби Озарбойҷон (2-1-1) ҷойи севумро гирифтанд. Тими мунтахаби Тоҷикистон бо 2 медали биринҷӣ дар байни 21 кишвар ҷойи 11-умро соҳиб шуд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
