Саҳми Тоҷикистон ба муборизаи умумӣ баҳри ғалаба

Душанбе, 20.03.2015. (АМИТ «Ховар»).- 28  март  дар  шаҳри  Душанбе  ба  ифтихори  70 —  солагии  ғалаба бар  фашизм бо  иштироки   коршиносони  Русия  ва  Тоҷикистон Конфронси  байналмилалӣ  таҳти  унвони «Саҳми  Тоҷикистон ба  муборизаи  умумӣ барои  ғалаба бар  фашизм» баргузор  мегардад. 
Ин  чорабинӣ бо  ибтикори Созмони ғайритиҷоратии  Бунёди  рушди «Институти  таҳқиқи  Авруосиё» ва Созмони ҳамкории  Русия  бо  дастгирии  сафорати  Русия дар  Тоҷикистон ва  Хазинаи миллии  саховат дар  ҳошияи  тайёрӣ ба Форуми байналмилалии ғолибон роҳандозӣ  шуда,  дар  он собиқадорони Ҷанги  Бузурги  Ватанӣ,  олимони таърихшинос  ва коршиносони  Русия  ва  Тоҷикистон,  донишҷӯёни донишкадаҳои олӣ ва фаъолони   созмонҳои  ҷавонон,  ҳамчунин  ходимони  фарҳанг,  намояндагони  созмонҳои  ҷамъиятӣ ва  ВАО  иштирок  мекунанд. 
Иштирокдорони конфронс  масоили иштироки сокинони Тоҷикистон  дар  ҳифзи  ватан, гиромидошти  хотираи  муборизаи қаҳрамононаи мардуми  шӯравӣ дар  солҳои  Ҷанги  Бузурги  Ватанӣ,  рушди  равобити  касбии  байни   коршиносони ҷамъиятҳои  мухталифи Русия  ва  Тоҷикистонро  мавриди  муҳокима  қарор  медиҳанд.
Аз  рӯи  натиҷаи  конфронс  Эъломияи  хотимавӣ қабул шуда, ҳайати Ҷумҳурии  Тоҷикистон  барои  иштирок  дар Форуми  байналмилалии  ғолибон, ки 28  апрели  соли  ҷорӣ  дар  шаҳри  Маскав баргузор  мешавад,  таъйин  гардид.