Театри лӯхтаки «Равлик» ба Душанбе меояд
Душанбе, 19.03.2015. (АМИТ «Ховар», Фарзона Достонзода).- 8 апрел Театри шахсии лӯхтаки «Равлик» — и шаҳри Киев бо роҳбарии Юрий Титаров барои ҳунарнамоӣ ба Тоҷикистон меояд.
Тавре ки муовини директори Театри лӯхтаки Тоҷикистон Наргис Розиқова ба АМИТ «Ховар» хабар дод, ҳунарпешагони Театри лӯхтаки шаҳри Киев намоишномаи «Бозиҳои хатарнок» — ро манзури ҳаводорони санъат менамоянд.
Сафари ҳунарии театри зикршуда то 22 апрел давом мекунад.
Театри шахсии лӯхтаки «Равлик» — и шаҳри Киев соли 1995 таъсис ёфта буд, ки асосгузорони он актёрҳои касбӣ Юрий Титаров, Любов Михня — Титарова, Максим Кондратюк ва Анна Поляруш мебошанд.