Ғолибони форуми технологияҳои иттилотиву коммуникатсионӣ

Душанбе,22.04.2015. (АМИТ «Ховар», Мавҷуда Анварӣ).-Аз 13 то 18 апрели соли 2015 дар шаҳри Душанбе ҳафтаи технология, инноватсия ва ихтироъкории наврасону ҷавонон баргузор гардид. Дар форум оид ба технологияҳои иттилотиву коммуникатсионӣ аз рӯи 5 номгӯй байни довталабон озмун гузаронида шуд, ки 23 лоиҳа аз литсей-интернатҳои муштараки тоҷикӣ — туркӣ пешниҳод шуд.
Бояд гуфт, ки дар рӯзи якуми озмун 94 лоиҳа аз муассисаҳои таҳсилоти умумии кишвар пешниҳод шуда, бо 4 лоиҳа хонандагони литсей-интернатҳои муштараки тоҷикӣ-туркӣ-«Роҳнамои мактаб» (ЛИМТТ-и Ҳоҷӣ Камол), «Паёмакҳои махфӣ» (ЛИМТТ-и иқтисодӣ), «Зудомӯз» ( ЛИМТТ-и шаҳри Кӯлоб) ва «Ҷадвали даврии элементҳои химиявӣ» (ЛИМТТ-и Мавлоно) соҳиби Гранд-При гардида, ҳамчун туҳфа бо ноутбук қадрдонӣ гардиданд.
Ҳамчунин дар рӯзи дуюми озмун 12 лоиҳа аз муассисаҳои таҳсилоти умумӣ баррасӣ шуд, ки 10 лоиҳаи он аз ҷониби хонандагони литсей-интернатҳои муштараки тоҷикӣ-туркӣ пешниҳод шуд. Хонандагони литсей-интернати муштараки тоҷикӣ-туркӣ фаъолона иштирок намуда, сазовори ҷойҳои ифтихорӣ гардида, бо туҳфа ва сертификат қадрдонӣ шуданд. Аз рӯи номгӯи «Васлакии ҳозиразамон» — Муҳташам Облоқулов ва Муҳаммадҷон Кабулов — ЛИМТТ- иқтисодӣ ҷои 1-ум, «Тасарруфи об» — Ҷамшед Ашуров ва Дориюш Далерзод, «Алюминиум барои системаи гармкунии хона» — Шаҳноза Абдулҳамидова ва Амина Шербоева, «Гилеми дӯстдоштаи ман» — Дониёр Носиров ва Шавкат Хамитов — ЛИМТТ-и иқтисодӣ, «Ҷустуҷӯи Офтоб» — Азиз Мизробов ва Алишер Абдураҳмонов — ЛИМТТ- Хоҷӣ Камол ҷои 2-юм, «Авторобот» — Беҳзод Файзиев ва Мансур Заробеков — ЛИМТТ- Хоҷӣ Камол, «Васлкунаки барқӣ (розетка) бо системаи биметаллӣ» — Наврӯз Зиёев ва Сиддиқ Наимов — ЛИМТТ-и шаҳри Кӯлоб, «Нури микромавҷӣ барои системаи гармкунии хона» — Субҳия Муродова ва Фараҳноз Каримова — ЛИМТТ-и иқтисодӣ, «Чароғаки роҳнамо» — Лутфулло Шоҳҷон ва Саидҷон Ёрмаҳмадов — мактаби байналмилалӣ, «Роботи муҳофиз» — Сафарҷон Ҷомиев ва Шаҳзод Солиев — ЛИМТТ-и шаҳри Турсунзода ҷои 3-юмро ишғол намуданд.