Муҳокимаи пешгирии хатари дарёи Вахш

Душанбе, 29. 04. 2015. (АМИТ «Ховар», Мавҷуда Анварӣ).- Ташкил намудани хоҷагии деҳқонӣ, соҳилбандии дарёи Вахш назди деҳаи Пасариқ, ҷудо намудани қитъаи замин барои сохтмони бинои муассисаи таҳсилоти ибтидоӣ, насби трансформатори барқӣ, сохтмони муассисаи таълимии №8, ки дар ҳолати садамавӣ қарор дорад, иваз намудани 100 метр лӯлаи обгузари истгоҳи обкашӣ, асфалтпӯш намудани 2 километр роҳи маркази ноҳия, таъмини оби нӯшокӣ дар маркази ноҳия, таъминоти аҳолии ҷамоат бо оби нӯшокӣ, пешгирии хатари   дарёи Вахш, сохтмони боғчаи бачагона дар ҳудуди ҷамоати Гардӣ Гулмуродов ва тезонидани сохтмони Маркази ҷавонон аз ҷумлаи масъалаҳое буданд, ки 25 апрели соли ҷорӣ дар вохӯрии муовини раиси вилояти Хатлон Ҳакимзода Қурбон бо сокинони арзу ниёз доштаи ноҳияи Ҷиликӯл мавриди баррасӣ қарор гирифтанд..
Дар хотима муовини раиси вилояти Хатлон Ҳакимзода Қурбон  ба масъулини ташкилоту муассисаҳои дахлдори вилоятӣ ва ноҳиявӣ ҷиҳати ҳалли мушкилоти шаҳрвандон дастуру супоришҳои қатъӣ дод.