Ронандаи фирорӣ дастгир шуд

Душанбе, 29.04.2015. (АМИТ «Ховар», Муқаддас Темурзода).- Дирӯз тахминан соати 05:00-дақиқа ронандаи мошини тамғаи номаълум ҳангоми ҳаракат аз самти ноҳияи А.Ҷомӣ ба самти шаҳраки Қизил-Қалъаи вилояти Хатлон, дар деҳаи Дӯстӣ суръати воситаи нақлиётро баланд намуда, аз уҳдаи идораи воситаи нақлиётӣ набаромада, пиёдагард, марди 30-сола, истиқоматкунандаи шаҳраки Қизил-Қалъаро пахш намуда, аз ҷойи ҳодиса ғайб задааст. 
Дар натиҷа пиёдагард ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Назар ба иттилои ВКД ҶТ, зимни гузаронидани чорабиниҳои фаврӣ-ҷустуҷӯӣ ронандаи мошини тамғаи “Opel-Astra ”, марди 58-сола, сокини ноҳияи А.Ҷомӣ дастгир гардид.
  Нисбат ба ин ҳодиса парвандаи ҷиноятӣ оғоз гардида, тафтиш идома дорад.